समर्थ शैक्षणिक संकुल बेल्हे व आय आय आय टी कोट्यायम,केरळ यांच्यामध्ये सामंजस्य करार

⭕समर्थ शैक्षणिक संकुल बेल्हे व आय आय आय टी कोट्यायम,केरळ यांच्यामध्ये सामंजस्य करार
https://shivnerwarta.in/?p=12129

समर्थ ग्रुप ऑफ इन्स्टिट्युशन्स कॉलेज ऑफ इंजिनियरिंग व समर्थ पॉलिटेक्निक बेल्हे आणि अटल इंक्युबेशन सेंटर-आय आय आय टी कोट्यायम फाऊंडेशन,केरळ यांच्यामध्ये नुकताच शैक्षणिक सामंजस्य करार करण्यात आला.अटल इंक्युबॅशन सेंटर-आय आय आय टी कोट्यायम फाऊंडेशन हि केरळमधील अत्यंत नामांकित शैक्षणिक व प्रशिक्षण संस्था आहे.समर्थ शैक्षणिक संकुल बेल्हे व आय आय आय टी कोट्यायम फाऊंडेशन केरळ यांच्या सहयोगाने व परस्पर सहकार्याने विशिष्ट क्षेत्रातील दीर्घकालीन संशोधन व विकास प्रकल्प सक्षमपणे राबविण्यासाठी या सामंजस्य करारांतर्गत ज्ञान व माहितीची देवाण-घेवाण करण्यात येणार असल्याचे संस्थेचे सचिव विवेक शेळके यांनी सांगितले.

विद्यार्थ्यांना हे मिळणार फायदे:
सदर सामंजस्य करारांतर्गत संकुलातील विद्यार्थ्यांना दोन्ही संस्थांकडून प्रकल्प करण्यासाठी व त्या-त्या विभागांमध्ये इंटर्नशिप करण्यासाठी विविध प्रकारच्या आवश्यक सुविधा उपलब्ध करून दिल्या जाणार आहेत.
विद्यार्थ्यांसाठी महत्वाचे असणारे सेमिनार,अल्प मुदतीतील अभ्यासक्रम,कौशल्य विकास कार्यक्रम तसेच जिल्हास्तरीय,राज्यस्तरीय, राष्ट्रीय व आंतरराष्ट्रीय स्तरावरील कार्यशाळा आणि परिषद आयोजित करण्यात येणार आहेत.
नवीन उद्योग,व्यवसाय कार्यक्रम यासाठी निर्माण होणाऱ्या संधी व त्यावर मार्गदर्शन करण्यासाठी तज्ञ व्यक्तींची व्याख्याने आयोजित केली जाणार आहेत.
हा सामंजस्य करार यशस्वी होण्यासाठी समन्वयक म्हणून प्रा.महेश पोखरकर व प्रा.भूषण बोऱ्हाडे यांची नेमणूक करण्यात आलेली आहे.यासाठी प्रा.प्रदीप गाडेकर,प्रा.प्रवीण सातपुते,प्रा.अमोल खतोडे,प्रा.निर्मल कोठारी यांनी विशेष प्रयत्न केले.

Leave a Reply

Your email address will not be published.